Davao City- Gilihok na sa Department of Agriculture-XI ang reactivation sa Special Task Force Against Avian Flu kun bird flu alang sa pagpugong sa pagsulod sa maong virus dinhi sa Rehiyon Onse.
Segun ni Department of Agriculture XI Bird Flu Spokesperson Dr. Dannie Apelo atol sa AFP PNP Press Conference nga gikatakda ng i-establisar ang AI Task Force nga maoy mubantay sa kada boundaries dinhi sa Davao Region.
Dunay unom ka mga gipang-identify nga mga quarantine points panaglit sa Davao City ibutang kini sa may Buda, sa Davao del Sur sa Sulop, sa Davao del Norte- sa may Talaingod,. Compostela Valley sa Monkayo, Davao Oriental sa Boston ug Davao Occidental planong ibutang kini sa Malalag o Sta Maria.
Sumala ni Apelo, si DA XI Regional Director Ricardo Oñate Jr ang chairman sa Region XI Avian Influenza Task Force samtang ang Department of Health XI ang co-chair niini.
Hugot ang gihimong surveillance sa tanang mga poultry farms ug pagkuha og mga blood samples ug uban pang mga tests sa pagseguro nga luwas ang mga binuhing manok gikan bird flu.
Walay angay ikabalaka ang mga katawhan sanglit nagpabiling luwas kita sa bird flu ug aduna kitay igong suplay sa karne sa manok dinhi sa Davao Region.
Kasamang Aimee Guinita
