Gidapit ang mga kabataan nga adunay talento sa pagkanta nga moapil sa “Birit Bulilit” karong Hunyo 4, alas 7 ang takna sa gabii sa Dipolog City Bouelvard.
Kini tipik sa mga kalihukan sa Saulog 2018, subay sa pagsaulog sa ika-66 ka tuig nga kasumaran sa pagkahimugso sa Zamboanga del Norte.
Ang Birit Bulilit bukas sa mga kabataan nga nagpangidaron 7-12 anyos ug kinahanglan lumolopyo sa Zamboangfa del Norte.
Matud pa ni Ms. Lenie Castañeda, ang OIC sa Provincial Tourism Office nga ang matag lungsod gitugutan lamang s apagpadala ug usa ka contestant ug kinahanglan e-indorso sa local chief executive pinaagi sa Tourism Officer.
Adunay premyo nga P5,000 alang sa first prize, 3,000 second prize, 2,000 third prize ug tag 500 ka pesos alang na sa consolation prizes.
Ang tanang contestants kinahanglan mosalmut sa technical rehearsal; sa Hunyo 4, alas 2 ang takna sa hapon sa Saulog main stage.
Dugang pa ni Ms. Lenie nga ang deadline sa pagsumite sa mga entries gikatakda karong Hunyo 1 didto sa Provincial Tourism Office, Room 5, Zamboanga del Norte Convention and Exhibition Center.
Alang sa dugang kasayuran pakigkita lamang ni Ms. Elba Fiel, o tawag sa 09289955382 o sa (065) 2129677. (PIC-mbmontederamos)
