Patay diha diha ang usa ka gun for hire nga personalidad human kini unang nagpabuto sa iyang armas human kini naharang sa gihimong checkpoint mga tinugyanan sa balaod.
Kahinumduman nakadawat ug tawag ang Zamboanga Del Norte Provincial Intelligence Branch may kalabot sa usa ka gun for hire ug nakita kini didto sa brgy. Sipaloc, lungsod sa Sibutad.
Dali kining gi respondehan Regional Mobile Force Battalion 9 (RMFB9), 1st Maneuver Company apan paghidangat nila sa maong barangay laing tawag na usab ang ilang nadawat nga kung diin matod pa ang maong indibidwal sakay kini sa Racal motor kolor Black/White walay plate number naglawig kini padulong sa brgy. Pob. Sibutad.
Hinungdan nga dali usab naghimo ug checkpoint ang 901st MC, RMFB9 sa may Provincial Road utlanan sa Brgy. Delapa ug Brgy. Sipaloc sa maong lungsod.
Sa wala madugay nahidangat ang gihisgutan nga motor sa unahan, sa dihang giduol kini sa mga nag checkpoint nag U Turn kini ug milanit sa iyang armas sa iyang hawak gilayong nagpabuto sa makaduha ka higayon.
Swerte usab nga nakabantay ang sakop sa gobyeno ug naka hupo kini, mibalos usab ug pabuto hinugdan kini sa wala damhang kamatayon nga nailang si Jerry Delmonte Palma, 45 anyos, nagpuyo sa Brgy. New Lebangon, lungsod sa Polanco.
Nakuha sa lugar nahitaboan ang basyo sa bala sa kalibre 38, mga personal nga gamit lakip usab ang salaping cash.
Sa pagkakaron anaa na sa pamilya ang patayng lawas aron ipahimutang sa husto.
