ISABELA – Tuman ang kalipay ni Mayor Joselito Malabor sang banwa sang Isabela sa iya nga pag selebrar sang ika 57 anyos nga kaadlawan kahapon.
Isa ka medical mission ang ginpatigayon sa covered court sang banwa kun sa din masobra isa ka libo ang nahatagan sang serbisyo kaangay sang pagabot sang ngipon, kunsultasyon nga may libre nga bulong kag pagpangtuli sa kabataan nga mga lalaki.
Suno kay Malabor nga kuntani ang Philippine Arrmy ang magabulig pa sa sini nga hilikuton apang natingala ini kun ngaa nga wala sila nakaabot, kabangdanan nga wala na sang pagpanggunting kag masahe.
Naapektuhan man ang pagpanggabot sang ngipon bangod kulang ang dentista.
Samtang tatlo naman ka mga motorsiklo ang ginpanagtag paagi sa raffle.
Nangin dinapit nga bisita si May Pag-asa Partylist #1 nominee Col. Cezar Mancao kag asawa sini lakip man si 5th District Cong. Bebot Mirasol kag Mr. John Chiong sang Task Force Kasanag.
