Dalagita ginhimuslan sang iya manugpangaluyag— suspek nga arestado ginkastigo sang mga pumuluyo

Arestado ang isa ka lalaki matapos ginapahayag iya ginhimuslan ang 14 anyos nga dalagita nga iya ginapangaluyagan sa Barangay Old Balara, Quezon City.

Ang suspek ginkilala kay Jag Loyd Sasutil, 21 anyos kag nagatrabaho bilang construction worker.

Pahayag sang Iloy sang biktima, ginsugo niya ang anak nga pangitaon ang iya apat ka utod agud magkaon na. Subong man, pila na ka oras ang nakalipas apang wala gihapon makabalik ang iya anak.


“May pumunta po sa amin na inaanak po ng tatay ko na nagmalasakit sa akin na, ‘Ate ‘yung anak mo nakita ko doon sa tabing-ilog, niyaya ng lalaki,'” ang kabahin sang pahayag sang Iloy.

Wala na nila naabutan ang anak kag suspek sa higad sang suba. Sa ila pagpangita, nakit-an na lamang nila ang duha sa kasagingan kag pareho nga hublas ang duha.
Suno sa iloy sang biktima, tuman ang kahadlok sang iya bata sa natabo.
“Tinakot daw po siya na ‘Dito ka lang, saglit lang itong gagawin natin. Sasaktan kita.’ Eh siyempre ‘yung anak ko na ‘yun takot ‘yun kapag sinabi mo eh,” ang dugang nga pahayag sang Iloy.

Bangod sa natabo, ginkastigo sang mga pumuluyo sa lugar si Sasutil.

“Inisip ko talaga ‘yun na gagalawin ko talaga siya. First time ko ngang ginawa ‘to,” ang pahayag ni Sasutil.

Ginpahayag pa ni Sasutil nga wala niya ginpilit ang dalaga bangod ginapangaluyagan niya ini.

Desidido naman ang iloy sang biktima nga magpasaka sang kaso nga rape batok kay Sasutil nga ara na karuns a kustodiya sang Quezon City Police District Station 6.

“Kung puwede lang patayin siya. Ipaglalaban ko ‘yung anak ko kahit sa kamatayan,” ang dugang nga pahayag sang Iloy.

via GMA News

Facebook Comments