Bisan tapos na ang monitoring kag reporting sa firecracker-related injuries sa national level kag dire probinsya magapadayon sa gihapon, suno kay Dr. Rogelio Aturdido Jr., Provincial Health Officer sang South Cotabato ang ila nga pagmonitor sa kaso sang tetanus infection tuga sang palupok. Suno sa iya ini tungod ulihi nga nagatuhaw ang kaso sang tetanus sa diin nagadugay sang pito ka adlaw antes mag-umpisa ang infection. May-angot sini, ginaawhag sa gihapon ni Dr. Aturdido ang mga napaso ukon napilasan sang palupok nga magpadulong sa gihapon sa mga health facilities agud madapatan sang nagakaigo nga medikasyon.

Tinguhaan nila suno kay Dr. Conrado Braña, Chief sang South Cotabato Provincial Hospital nga mapatuman kag mapaintiendi sa mga pasyenti sang balay bululngan ang programa sang provincial government nga free hospitalization sa mga government hospital.
Suno kay Dr. Braña ini tungod may problema pa kapareho sang confusion nga agud nga malibre ang balayran sa hospital dapat asikasuhon man sang mga pasyenti ang ila nga Philhealth tungod ang sobra sa hospital bill nga indi na macover sang Philhealth amo na lamang ang saluon sang provincial government.
Ini matapos nga may pipila nga tungod libre na ang balayran sa mga government hospital wala naman sang mga ini ginaasikaso ang requirements kapareho sang Philhealth nga posible suno sa iya may nagatudlo man sa mga ini.
Aminado man si Dr. Braña nga kon may nabayran ang pipila ka pasyenti sang patapos na ang 2019 ini tungod naubusan sang pondo.