iFM Laoag — Kinatawaan laeng ni Bise Gobernador Angelo Marcos Barba dagiti akusasyon dagiti kasupangilna ti pulitika kadaytoy a tiempo ti eleksyon.
Kangrunaan ditoy ti irakrakurak dagiti kalabanna a nupay naunday a tawen a nagbalin nga opisial ti probinsia ket saan a nakitkita kanu daytoy kadagiti barbarangay.
Imbatad ti bise gobernador a mabalin a dagiti kalabanna ti saan a nakakitkita kenkuana gapu ta awan da ditoy probinsia ken nagsubli da laeng iti daytoy a panawen ti panagpipili.
Mamati ni Barba a no dagiti umili ditoy probinsia ti mapagdamagan ket agpapada dagitoy a mangipasingked a nakitkita da daytoy a napan nagpaspasiar kadagiti barbarangay.
Inbunannagna nga iti kallabes ket saan laeng nga iti maikadua a distrito ti nagpaspasiaranna ngem uray pay iti umuna a distrito a pakairamanan ti siudad ti Laoag.
Nupay kasta, nagkedked ti bise gobernador a nangibinsabinsa kadagiti nagapoananna. Innayonna a dagiti kaprobinsiaan ti makaibaga kadagiti naaramidanda nga opisial ti probinsia.
Bernard Ver, RMN News
