Bise-Gobernador sang Negros Occidental maga-inspeksyun sang tanan nga quarry sites sa probinsya

15

NEGROS OCCIDENTAL- Bisitahan ni Vice Governor Jeffrey Ferrer ang tanan nga mga quarry sites sa Negros Occidental. Ini ang ginapasiguro sang bise gobernador matapos nga nakakuha na sang approval ni Governor Eugenio Jose Bong Lacson.

Apang sa karon gina-una anay inspeksyon sang bise gobernador ang mga quarry sites nga ginareklamuhan. Madumduman nga sang nagligad nga adlaw, nag-inspection man si Ferrer sa quarry sites sa Brgy. San Pablo, sa banwa sang Manapla kag sa Hacienda Leticia, Brgy. Caduhaan, Cadiz City upod si Mayor Manolet Escalante kag Board Member Andrew Montelibano.


Sa paglibot ni Ferrer sa pila na ka mga quarry sites may nakit-an na gid man ini nga mga violations, lakip na ang gina-divert nga mga alagyan sang tubig, wala sang permits nga mga operator kag nagalapaw nga mga quarry sa area of coverage.

Madumduman nga nagligad nga adlaw, isa man ka truck nga may karga nga boulders (dalagko nga mga bato) ang gindakop bangod nga wala sang nagakaigo nga mga dokumento.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments