BACOLOD CITY- Nagapanindugan ang lima ka barangay sa Brgy. Tangub nga indi sila magpirma sa mga resolusyon agod maswelduhan ang ila mga job order kon indi mahatag ang ila ginapangayo nga kopya sang payroll, mapakita ang actual nga numero sang mga empleyado kag makatambong sila sa pag-release sang sweldo.
Ini ang panindugan ni Kagawad Katrina Joan Sonota, isa sa lima ka kagawad nga nareklamo batok kay suspended Punong Barangay Noli Villarosa, OIC Barangay Luz Atienza, Barangay Treasurer Teresa Domadiego, Barangay Secretary Reystine Joy Cabalhin, Barangay Kagawad Jose Ray Pendon (chairman committee on finance).
Ginreklamo nanday Sonota ang nasambit nga mga opisyal sa Office of the Presidente kag Criminal Investigation and Detection Group (CIDG) bangod sa gina-alegar anomaliya sa payroll sang mga JO sa diin ang sweldo/allowance kada bulan ang 500 pesos lang apang sa ila gin-pirmahan nga payroll ang ila sweldo amo ang 2500 pesos kada bulan.
Nahibaluan nga sa nakaligad nga bulan sang Enero wala naswelduhan ang mga JO sang barangay bangod nga wala nagpirma ang lima ka kagawad sa resolution to hire kag resolution to withdraw sang sweldo para sa mga empleyado. Ginpahayag ni Sonota nga kon mahatag sang barangay ang ila ginahingyo, pirmahan man nila ang mga resolusyon agod mapirmahan na ang mga JO.
Nahibaluan nga magluwas sa mga JO, ginakwestyon man sang lima ka kagawad ang kadamuon sang plantilla sang barangay. Ginakwestyon sang grupo ni Sonota ngaa nagsaka ang budget para sa sweldo sang plantilla employees nga halin sa masobra P600,000 sang 2020 nagsaka na ini sa P718,000 sini nga 2021. Kon nagdugang gid man sang plantilla suno kay Sonota, ngaa wala sila ginpahibalo.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
