Tulunan, North Cotabato–Suspendido gihapon ang klase sa mga tunghaan sa Tulunan, North Cotabato, kini ang gikumperma ni Tulunan Vice Mayor Maureen Ann Villamor.
Sumala niini nga pelegroso kung i-resume na ang klase sa kasamtangan gumikan kagahapong adlawa, sunod sunod nga after shock pa ang ilang mga nasinatian sa maong lungsod.
Apan balik normal na matud pa ang trabaho sa mga taga gobyerno sa lungsod sa Tulunan diin ilang ginatutukan ang paghatag ug tabang sa mga apektadong nalinugan.
Dako ang pagpasalamat ni Vice Mayor Villamor sa mga nagtabang ngadto kanila human sa linog.
Nasayran nga gilayong miresponde ang mga himan nga naggikan sa BARMM area ug uban pang lungsod sa Cotabato Province human sa pagtay-og.
Mensahe niini ngadto sa mga katawhan sa Tulunan nga mamahimong positibo lang luyo sa ilang nasinatiang trahedya. Dapat magpabiling lig-on tungod ug alang sa subling pagbangon.
