Tulunan, North Cotabato–Mapasalamaton si Tulunan, Cotabato Vice Mayor Maureene Villamor sa mga tabang nga nahidangat ngadto sa ilahang munisipyo human ang sunod-sunod nga makusog nga linog nga miigo sa ilahang lugar.
Sumala pa ni Vice Mayor Villamor nga naghatag sa ilahang hinabang ang mga silingang dapit sama Sa Davao City, Proboinsya sa Maguindanao ug pipila man usab ka mga organisasyon ug indibidwal.
Gipaniguro man usab niini nga mahatag kini dili lang sa mga barangay nga labihang na apektohan lakip na ang uban usab nga barangay nga nanginahanglan ug tabang tungod kay mangahadlok na mosulod sa ilahang mga panimalay.
Dugang pagbutyag ni Vice Mayor Villamor nga sa karon bisan paman ug makapila na naigo ug linog ang ilahang munisipyo mas gipili sa mga tawo nga dili mohawa sa ilahang barangay sama sa gipatuman sa Makilala, Cotabato nga force evacuation.
Sumala pa niini nga kanunay gayud mamahimong rekomendasyon sa otoridad nga no build zone ang mga lugar kung asa natala ang mga pag dahili sa yuta apan aduna naman usay na provide ang LGU Tulunan nga luwas nga lugar aron nga kapuy-an sa mga biktima nga dili buot molayo ngadto sa ilahang mga pinuy-anan.
Sa karon, naghatag na matud pa ug tent ang lokal nga panggamhanan sa mga evacuation center aron nga magamit sa mga mihikling.(Dave Silagan)
