Sunod-sunod karon ang mga bisita nga niduaw sa probinsya sa Sarangani. Niaging adlaw nga Hwebes, nahimong bisita sila kanhing DENR Secretary Gina Lopez og Mommy Dionesia Pacquiao giadto ang mga lagyong sityo sa Glan alang sa pagpalambo sa agrikultura og kultura.
Niaging Sabado, Sarangani pud ang nahimong venue sa panagtigum sa partido ni Pangulong Rodrigo Duterte nga PDP LABAN giapilan sa mga congressman, governor, city og municipal mayor, bise mayor, councilor, barangay kapitanes, barangay kagawad, og ubang personalidad sa entiro Rehiyon Dose, sobra tulo ka libo ang nitambong; anaa mismo sila Senador Manny Pacquiao, Agriculture Secretary Manny Piñol, og ang distant relative ni Senador Koko Pimentel nga si Undersecretary Astravel Pimentel-Naik.
Og nakabay nga adlaw nga Lunes, gitambungan ni DILG Regional Director Reynaldo Bungubong ang nahitabo nga inagurasyon sa Phase 1 nga pagpasemento sa Lun Padidu-Upper Suyan Provincial Road, maka-benipisyo apil ang Daan Suyan og Kinam, upat (4) ka barangay sa Malapatan.
Segun ni Governor Steve Chiongbian Solon, aduna kini kinatibuk-ang pondo nga P170 Milyones ka pesos gikan sa DILG og kang Pangulong Duterte.
Giadtuan usab nila kagahapon ang ginahuman nga Water System sa Lun Padidu nikantidad og Tres Milyones ka pesos (P3M) maka-benipisyo ang dul-an kinse mil kabuok mga residente. Kining tanan ang ilalum sa Sulong Sarangani development program ni Governor Solon.
