Kuwait- Ginsentensiyahan sang bitay sang Kuwaiti court ang mag-asawa nga Lebanese kag Syrian nga amo ang suspek sa pagpatay sa Pinay OFW nga si Joanna Daniela Demafelis sang Sara, Iloilo sa diin nasapwan ang bangkay nga ginbutang sa freezer.
Sa una nga hearing sang kaso, ginpapanaog sang hukmanan ang pamatbat nga “death by hanging” ukon bitay batok sa mga employeer nga sanday Nader Essam Assaf nga Lebanese kag ang asawa sini nga si Mona Hassoun nga isa ka Syrian.
Santo sa disesyon sang korte, subject naman sa appeal ang desisyon sa korte kon magbalik ang mag-asawa sa Kuwait.
Nadakpan ang Lebanese-Syrian couple sang nakaligad nga bulan sang Pebrero Damascus, Syria sa bulig sang Interpol.
Ang kamatayon ni Demafelis ang nagdulot sang diplomatic crisis sa tunga sang Kuwait kag pungsod Pilipinas nga nagresulta sa pagpatuman sang gobyerno sang Pilipinas sang departure ban para sa mga Pinay nga nagaplano nga magtrabaho amo nga pungsod.
Nahibaloan nga ginabanta yara sa 252,000 ka mga OFW ang sa subong nagatrabaho sa pungsod Kuwait.
***(web photo)***
