General Santos City—- Giangkon ni PDEA 12 Director Valente Cariño, nga nag-level-up na ang transaksyon sa illegal nga droga sa nasud kung asa lakip na matud pa sa mga ginagamit sa illegal nga aktibidad mao ang bitcoin.
Pamahayag niini nga ubay-ubay na nga kaso ang ilahang nagunitan kaniadto hilabi na nga dihang siya ang labaw sa Intelligence Division sa PDEA national.
Sumala niya nga pabiling buybust ang ilahang pamaagi sa operasyon ug bisan ug walay marked money, positibo gihapon ang maong operasyon ug mamahimo gihapon nga mupasaka ug kasong Sec 5 sa R.A 9165 gumikan aduna man silay transaksyon batok sa ilahang mga target.
Samtang, gibutyag niini nga sa karon,. dili pa niya mabutyag nga walay ecstacy ang dakbayan sa Gensan gumikan padayon man ang ilahang mga operasyon nga ginahimo ug ilaha lang kining makumpirma higayon nga adunay madakpan.
