Mao ni ang sitwasyon kaganihang alas 6 pasado sa buntag karong adlawa sa may dalan padung sa Pier 3 kung diin kining mga pasahero paingon sa Bohol milinya aron sa paglukat og ticket sa barko. Suma pa nga kasagaran niining mga pasaheroa manglukatay og ticket sa usa ka fastcraft via Tubigon, Bohol.
Puno-puno kuno ang mga trips tungod sa kadaghan sa mga pasahero nga mouli og probinsya alang sa Barangay ug SK Elections. Mao pud kini ang sitwasyon nga gipanglatawan sa mga owtoridad ug mismo ang mga pasahero nangandam niini.
Suma pa nga pwerte kunong taasa sa linya sa tawo nga halos miabot na sa Pier 2 paingon sa usa ka ticketing office nga nahimutang sa Pier 3 ning siyudad sa Sugbo. Mura gyud kuno kini og linya sa mga auditionees sa sikat nga reality show sa TV nga PBB.
Mao nang pahinumdom sa tanang biyahedor karong adlawa ug sa ugma, dugang pasensya ug kung mahimo mas sayo nga boat trip ang kuhaon labi na sa mga padulong sa probinsya sa Bohol, Samar, Leyte o bisan sa Negros. Ug kung mahimo, travel light lang gyud.
God bless sa tanang mga mobiyahe!
Photos from Minglanilla Flash Report facebook page.
