South Cotabato – Balik normal na ang biyahe sa tanang unit sa Yellow Bus Line (YBL) Inc. human nga naundang ug halos upat ka oras kagahapong adlawa nga hinungdan sa pagkastranded sa gatusan ka mga pasahero.
Nasayran nga kagahapong adlawa, nakigpulong ang mga representante sa YBL ngadto sa city government sa Koronadal human nga naundang ang ilang operasyon human nga wala gihatagan ug ticket sa LGU Koronadal .
Sa kasamtangan temporaryong mag Terminal sa Koronadal City Integrated Public Transport Terminal ang YBL aron nga dili maapektuhan ang ilang mga pasahero.
Nasayran nga una nang gihingusgan sa City Government sa Koronadal City nga dapat sa Integrated Terminal na mag terminal ang mga bus sa YBL ug gani Enero 22 ang gihatag nga lugway kanila aron nga magbalhin sa Koronadal City Integrated Terminal apan tungod nagmagahi ang YBL wala gihatagan ug Ticket ang ilang mga unit kagahapong adlawa.
Hinuon sa karon aduna nay kasabutan ang City Government u gang YBLnga didto na na gyud sila mag Terminal sa pampublikong terminal sa syudad aron nga dili na maapektuhan ang riding public.
