Pagadian City – Opisyal na nga gideklara sa Malacañang nga Special Non-Working Day ang Septembre 18, 2020 isip kabahin sa selebrasyon sa 68th Araw ng Zamboanga del Sur.
Ang Proclamation No. 1019 gipermahan na ni Executive Secretary Salvador Medialdea niadtong lunes.
Tumong sa pagdeklara ug Special Non-Working Day aron mahatagan ug higayon ang katawhan sa probinsya nga makasalmot sa seremonya nga gihan-ay subay sa maong okasyon.
Apan gipaklaro sa proklamasyon nga kinahanglan mosunod sa health protocol ang mga mopartispar sa kalihukan sama sa pagsul-ob sa face mask, social distancing ug uban pang pamaagi nga makapakgang pagtakboy sa makamatay nga virus.
Facebook Comments
