Mandaue City—Adunay surprise search nga gihimo ang Bureau of Jail Management and Penology (BJMP) sa Mandaue inubanan sa Mandaue City Police Office, Special Weapons and Tactics, ug Philippine Drug Enforcement Agency para mangita og kontrabando sod sa prisohan gahapon sa buntag.
Greyhound operations ang termino nga gigamit sa mga pulis sa ilang surprise search nga gibuhat gahapon sa buntag nga nagsugod alas 5:20 sa male ug female dormitories ug nahuman mga alas 8 ra pud sa buntag.
Sod sa 2 ka oras ug 20 ka minutos, usa ka team sa kapulisan nakakita og 3 ka cellphones, 1 ka gadget ug illegal drug paraphernalia sod sa usa ka detention cell sa Mandaue City Jail (MCJ) diin napriso si inmate Steve Go.
Si Jail Warden Jessie Calumpang niingon nga nakakita pud sila og fake PNP identification card, sa ngalan ni SPO4 Steve Go, nga gigamit ni inmate Go. “Mura’g first time ni siya nga inmate nga dunay fake ID sa police,” matud pa ni Calumpang.
Nituo si Calumpang nga usa sa mga bisita ni inmate Go ang nagdala sa fake ID sod sa prisohan. Dugang pa niya nga iyang manduan si MCJ personnel nga inspeksyonon ang mga wallets sa mga bisita sa dili pa sila mosulod sa prisohan. Konsultahon pud ni Calumpang ang mga BJMP officials og unsay mga additional charges nga mga file batok kang inmate Go.
Si Jail Officer 2 Blanche Aliño, community relations service officer sa MCJ, niingon nga si Go una nang napriso sa Mandaue pero gibalhin ngadto sa Talisay human siya nalambigit sa lain-laing gubot sod sa prisohan. Sukad ato, gibalhin na pud siya sa Carcar City ug gibalik na pud sa Talisay.
Niadtong Hulyo sa tuig 2017, si inmate Go gibalik na pud sa MCJ. Pero una siya nakasod balik sa prisohan, ang jail officer nga ni-inspeksyon sa iyang gamit sa may entrance nakakita og 3 ka sachets nga adunay sulod nga gituohang shabu.
“Katong mga inmates na nakuhaan i-cut off nato ilang privileges like dalaw ug uban pa,” sigon ni Calumpang. SIM cards, improvised tooter, improvised burner, steel rod, pair of scissors, ug improvised bamboo clip ang ubang mga butang nga nakit-an gikan sa nagkalain-laing detention cells sa male dormitory sulod sa MCJ.
Dugang ni Calumpang nga wala hinuoy kontrabando nga nakit-an sa female dorm. Wala puy illegal drugs nga nakit-an sa male ug female dormitories.
Si Chief Insp. Wilbert Parilla, chief sa Mandaue Police Station 5, ug iyang team maoy nangunay sa pag-inspeksyon ug pagsulod sa matag detention cell.
Adunay 1,766 males inmates ug 170 female detainees sa MCJ. Sigon pa ni Calumpang, at least 80 percent sa male ug 82 percent sa female inmates nag-atubang sa mga kaso nga adunay kalabutan sa illegal drugs.
