BJMP-XI: ‘Conjugal visit’ sa inmates sayuhon og request

211

Davao City – Hatagan og higayon ang mga piniriso nga makauban ang ilahang mga kapikas sa kinabuhi karong kapaskuhan og bag-ong tuig sulod sa Davao City Jail.

Atol sa interbyu sa RMN Davao kang Bureau of Jail Management and Penology (BJMP) XI JO2 Harvey Malnegro, gibutyag niini nga adunay pribadong kwarto nga gitagana alang sa mga magtiayon sulod sa usa ka oras.


Gi-awhag ni Malnegro ang mga asawa sa mga piniriso nga magpa-skedyul na daan sa Inmates Welfare Development Office (IWDO) ug ipresenta ang ilahang mga dokumento nga nagpamatuod nga kasado sila.

Samtang, nagpahimangno si Malnegro sa mga duaw nga gidili ang pagsol-ob og colors yellow, pink ug black t-shirts kay aron dili magkapareho sa mga uniporme sa mga inmates.

Rekisahon sa mga jail guards ang tanang mga pagkaon aron masiguradong walay makalusot nga mga kontrabando.

Magpatuman usab og ‘first come first serve basis’ sa mga bisita tungod sa limitadong espasyo sa sulod sa City Jail.



RadyoMaN Aimee Guinita

Facebook Comments