Davao City – Anaa 6,274 ka Davaoeños ang benepisyaryo sa #BKBK o ‘Barangay Ko, Bahay Ko’ Program nga gipundohan sa Department of Labor and Employment (DOLE) gikan sa Bayanihan 2.
Gibutyag ni Norman Baloro, Head sa Tulong Panghanapbuhay sa Ating Disadvantaged/Displaced Workers (TUPAD) Program, nga ubay-ubay na ka mga benepisyaryo sa lain-laing lugar ang nakadawat na sa maong ayuda. Nakadawat na ang mga benepisyaryo sa Poblacion B, Agdao, Bunawan, Paquibato, Toril, Tugbok, ug Marilog, Davao City kinsa mga kwalipikado sa programa.
“Naka patrabaho ‘ta og around 6,274 ka mga Davaoeños nga naapektuhan ang ilang panginabuhian. Naggikan ba sila sa formal or informal sector. We’ve done already with our payout sa pipila ka mga distrito,” segun ni Baloro.
Karong adlawa (Abril 14, 2021) adunay payout schedule sa Baguio District beneficiaries. Samtang, sa Abril 15, 2021 (Huwebes) sa People’s Park alang sa mga qualified applicants sa dakbayan sa Davao.
RadyoMaN Kirby Manzon
