‘Black van’ post nag viral, gikahadlokan

456

Davao City – Pwerting hadloka sa usa ka babae sa dihang gihunungan kini og ‘black van’ kagabii sa usa sa mga dalan sa downtown area, ning syudad.

Sa FB post sa usa ka Andrea Suan Delgado, gisaysay niini ang iyang lakaw kagahapon diin sa dihang pauli na siya sa Indangan bandang alas 8:00 sa gabii, nangutana kini sa usa sa mga lalaki kon asa makasakay ug gitudlo kini sa usaka ngitngit nga bahin sa iyang gibarugan nga lugar.


Ang babaye dili suheto dinhi sa dakbayan.

Mga bandang alas 9:00 na kadto sa kagabhi-on sa dihang naghulat kini og sakyanan sa dihang adunay itum nga van nga kalit mihunong sa iyang tungod.

Sa iyang saysay, nakita niya nga adunay mga lalaki nga puros nakaitum luwan sa misteryosong behikulo.

Mapasalamaton kini nga adunay Hilux nga miagi ug gi-signal ang suga sa babae maong midagan kini.

Sa mga komento sa post niini, adunay mga netizens nga mitoo apan aduna usay uban nag-ingon nga basin nanghadlok lamang kini.




Gumikan niini, subling nagpapahinumdom karon ang kapulisan nga ireklamo gilayon ngadto kanila ang susama niini nga mga sitwasyon or nahibaw-an aron maaksyonan ensigida.

Usab nagpasidaan ang mga awtoridad nga likayan ang pag-post niini aron dili makahatag og panic ngadto sa katawhan inay isumbong dayon kini sa mga tinugyanan sa balaud aron ma-imbestigahan.

Gipaningkamotan karon sa atong sibyahanan nga makuha or madungog ang bahin sa kapulisan kalabotan ning nag-viral nga social media post.

RadyoMan Renz Barbarona

Facebook Comments