Sapian, Capiz- Blangko pa tubtob sa subong ang mga kapulisan sa Sapian sa suspek nga nagpatay sa biktima nga si Rodrigo Alcasado y Oleo, 54-anyos ang edad sang Brgy. Agtatacay Norte banwa sang Sapian.
Ang amo nga biktima ang nasapwan na lamang sang kaaganhon nga wala sang kabuhi samtang nagakulob kag duguon.
Ini ang nagsuprer sang igo sang armasluthang sa nalikod nga porsiyon sang iya lawas nga nangin rason sang iya kamatayon.
Suno sa panaysayon sang pila ka mga residente, ang mga ini ang nakabati lamang sang lupok sang armasluthang sang gab-e.
Samtang nakarekober ang mga kapulisan sang isa ka deformed nga slug sang ginapahayag caliber .45 pistol sa lugar nga ginluntaran sang krimen.
Nagapati ang mga kapulisan nga mahimo ginbantayan ang biktima sa dalan kag ginluthang sang suspek.
