Pagahiwaton na subong nga adlaw, Disyembre 3 ang blood donation drive sang RMN-DYRI Iloilo upod sa Roberto O. Chua Che Wai Foundation kag Barangay Dungon B , Jaro.
Magasugod ang kahiwatan alas 7 subong nga aga sa Iloilo Society Commercial sa Tagbak, Jaro kon sa diin may tema ini nga “Winners meet Heroes IV.”
Ang mga magapasakop sa sini nga blood donation drive ang magabaton sang libre nga T-shirt, groceries kag makaambit sang libre nga buffet meal kag unlimited nga juice kag kape kag may tsansa pa nga makadaug sang door prizes.
Magalawig ang ini nga blood donation drive tubtub karon sa hapon agud maakomodar ang tanan nga luyag mag-donar sang ila dugo para sa mga kauturan naton nga nagakinahanglan sini agud masugpunan ang ila kabuhi.
