BANNA, Ilocos Norte – Maangay ti Blood Letting Activity inton Agosto 17, iti pinangidaulo dagiti Sangguniang Kabataan ken pannakikannamayet iti Philippine Red Cross- Ilocos Norte ditoy nga ili.
Maaw-awis amin nga volunteer nga umay iti Municipal Health Center iti ili manipud alas otso ti bigat agingga ti alas dos ti malem nga umay agidonar ti dara.
Dagiti donors ket maikkan ti card nga mangpaneknek nga isuda ket blood donor, ken makadawatdanto met ti tulong ti Red Cross inton isudanto met ti agkasapulan.
“Mayat dagituy nga aktibidades ta pagbalinen na nga active ti ubbing” kinuna ni Prila Saymo, ti SK Federated Chairman ti Banna, Ilocos Norte.
Facebook Comments
