Blood sample collection sa mga baboy sa DavOcc nagpadayon

Davao City-Ginapaabot pa sa lokal nga panggamhanan sa probinsiya sa Davao Occidental ang resulta sa collection sa blood sample ngadto sa napulo ka barangay sakop sa lungsod sa Malita.

Sa interview sa DXDC RMN Davao kang Marivic Hubac ang Head Executive Assistant sa probinsiya sa Davao Occidental nga napulo ka barangay gikan sa coastal ug lowland barangay ang nakuhaan na og sample sama sa Brgy Pinalpalan, Tubalan, Buhangin, Culaman, Bolila, Mana, Kilalag, Dimoloc ug uban pang barangay.

Matud ni Hubac nga duna pay 15 ka upland barangay sakop sa maong lungsod ang padayon pa ginakuhaan og blood sample.


Gidugang ni Hubac nga positibo usab nga natakbuyan sa ASF ang lima ka barangay sa lungsod sa Jose Abad Santos ang Brgy. Caburan big,Caburan small,Patulang,Pangili ug Brgy. Mogis.

Matod pa karong bulan sa marso ipagawas ang financial assistance ngadto sa mga nanag-iya ug baboy nga apektado sa African Swine Fever.

RadyoMan Don Pulayao

Facebook Comments