Paghatag ug pagtugot aron maka pirma si City Mayor Regencia ug kontrata aron pagpalit ug mga heavy equipments alang sa basura, aprubado sa Sangguniang Panlungsod

18

Aprubado sa napulo ka affirmative votes sa mga sakop sa Sangguniang Panlungsod ang gidusong motion ni City Councilor Macky Macapagal aron tugotan si City Mayor Celso Regencia nga makapirma ug kontrata aron nga makapamalit ug heavy equipment o dump truck nga gamiton isip garbage truck sa syudad.

 Pinaagi sa gihimong botasyon sa konseho, napulo kanila ang mipabor aron mapalit ang maong mga ekipo sa tinguha nga masulbad na gayud ang problema sa basura sa dakbayan sa iligan.


 Upat ka dump truck ang gitakdang paliton sa syudad nga mikantidad ug 36, 780,000.00 pesos isip contract price.

 Bisan pa ug adunay mga pagbabag ang upat ka konsehal apan mipatigbabaw gihapon ang kadaugan sa mayorya aron hingpit nga mapalit ang nasangpit nga mga dump truck.

Facebook Comments