Pagadian City – Kasado na ang preparasyon alang sa pagahimon nga”Blood Letting Activity” ugmang adlawa sa Covered court sa Pagadian City.
Gikatakda nga magsugod ang aktibidad alas 8:00 sa buntag sa pagtinabangay sa kagamhanang lokal sa Pagadian, RMN-DXPR, Philippine Red Cross – Zamboanga del Sur Chapter, DXPR Mortuary Listeners Association, Oracis Pagadian, 1st Cavalry (Tagapanguna) Battalion, _1st_ Field Artillery (Beat ‘Em) Battalion , Knight of Columbus ug uban pang organisasyon.
Ang Blood Letting Activity kabahin sa Oplan Tabang Covid-19 Response nga corporate social responsibility sa Radio Mindanao Networks (RMN) nga ang bugtong tumong mapun-an ang gikinahanglan nga blood supply sa panahon sa pandemya.
Ang donasyong dugo nga matigom sa proyektong igahin para sa mga biktima sa Covid-19, dengue, kidney failures, biktima sa lain-laing kalamidad ug bisan pa sa emergency blood transfusion ug procedures sa mga ospital.
Ang naasoy nga kalihukan tipik sa ika-68 nga anniversary sa RMN ug ikawalo nga anibersaryo sa RMN Foundation.
Kaabag usab sa aktibidad ang Pfizer Philippines Foundation ug ACS Manufacturing Corporation, ang tighimo sa Unique toothpaste ug Shield Bath Soap.
