Roxas City, Capiz- Igapaidalom sang Office of the Civil Defense(OCD) sa
blue alert status ang tanan nga PDRRMO kag mga Local Disaster Risk
Reduction and Management Office(DRRMOs) sa bilog nga pungsod Pilipinas.
Suno kay PDRRMO head Mr. Speed Pelaez, ini ang kabahin sang ila
prepararasyon sa pagselebrar sang Semana Santa.
May yara man sang igapatigayon nga deployment sang mga responders sa Mt.
Carmel Parish Church, Roxas City Cathedral kag iban pa nga mga simbahan kun
sa diin may yara sang prosisyon.
May deployment man sa tagsa ka mga kabanwahanan.
Samtang may kaangut sini, hugot man ang paandam ni Pelaez sa publiko nga
hangayan ang ikaayong lawas batok sa mga balatian subong nga mainit nga
panahon kasubong sang heat stroke, gulpi nga pagtaas sang blood pressure
kag iban pa.
