Roxas City, Capiz- Gin-insister ni BM Weldie Apolinario nga kaugalingon sini nga sintemento ang ginbuy-an nga mga tinaga sa gin-deliver nga privilege speech sa provincial board.
Ang gusto lamang sini ang pagluntad sang husto nga klase sang pagginobyerno kag suportahan ang programa sang subong nga administrasyon.
Apang sa sulod sang kapin sa pito ka bulan nga pagpanerbisyo, naobserbahan niya nga “unfit” sa amo nga posisyon si Provincial Administrator Edwin Chinel Monares.
Pila sa mga gintumod sini nga rason amo ang kapaslawan nga mapabilin ang maayo nga relasyon sa tunga sang provincial board kag executive department.
Iya man ginkwestyon ang residency sang provincial board.
Mahibaluan nga isa man si Apolinario sa mga nagpirma sa appointment ni Monares bilang provincial administrator.
Samtang hugot naman nga ginpanginwala ni Apolinario nga ginapulitika nila ang subong nga administrasyon.
Ginpunto sini nga antes paman ang pagdihon sang iya nga privilege speech, wala nalipod sa mga katapo sang provincial board ang iya nga pagkadismaya angut sa nagaluntad subong nga indi pag-intindihanay sa tunga sang duha ka departamento sa diin nag-ugat sa pagtalakay sang 2020 Annual Investment Plan kag sa serye sang hearing para sa executive budget.
