Pagadian City – Gikatakda nga ipahigayon sa Professional Regulation Commission (PRC) sa syudad sa Pagadian ang Board Licensure Examination for Criminologist ( BLEC) karung December 8,9 ug 10 ning kasamtangan nga tuig.
Muabot sa 2, 221 ang ihap sa mga mukuha sa eksaminasyon gumikan niini gamiton una ang mga bakante nga room sa Zamboanga del Sur National High School.
Magsugod ang pasulit alas 7:00 sa buntag hangtod alas 4:30 sa hapon sa naasoy nga mga adlaw.
Hugot nga seguridad ang ipatuman sa Pagadian City PNP sa tulunghaan diin mahitabo ang pasulit arun masiguro nga luwas sa bisan unsa nga hitabo nga makaapekto sa integridad sa maong aktibidad.
Facebook Comments
