South Cotabato—sakpan sa mga taga Department of Health Region 12 ang usa ka Board Member sa South Cotabato nga nanigarilyo samtang sakay sa Government issued vehicle.
Sa nakuhang hulagway ni Ms. Jenny Ventura, Regional focal person sa anti-smoking program sa DOH 12, giila ang naasoyng Board Member nga si BM Romeo Tamayo sa 1st District sa South Cotabato.
Wala na maka deny si Board Member Tamayo sa maong isyu human makuhaan kini og picture samtang nagsakay sa sakyanan sa gobyerno nga nanigarilyo padulong sa General Santos City.
Tungod sa maong paglapas sa Board Member andam matud pa niini pagaatubangon ang unsa mang mamahimo isilot kaniya tungod sa paglapas sa Section 7 sa Memorandum circular no. 17 series of 2009 nga gipagula sa Civil Service Commission, kung asa hugtanong gidili o ginabawal ang pagpanigarilyo sa sulod sa mga sakyanan nga panag-iya sa gobyerno.
Dugang pa sa DOH nga ang maong circular memorandum sa tanang mga empleydo og opisyal sa gobyerno nga makalapas ang adunay pagaatubangong administratibo kini subay sa Executive Order number 292 o administrative code of the Philippines. (Emir Bariquit)
(Photo from Web)
