TACLOBAN CITY – Nagpatawag hin pressconference kakulop an tutulo nga myembro han Board of Directors han Leyte Metropolitan Water District o kun LMWD tungod han ginbuhat nga courtesy call han lima nga appointee ni Tacloban City Mayor Cristina Romualdez ha water district.
Umatubang ha media hira LMWD Chairman of the Board Teodoro De Veyra, Vice Chairman Aldin Surpia ngan hi Treasurer Jojo Lantajo Jr.
Sumala kan Chairman de Veyra, diri nakakahulat an mga appointee han Tacloban City Government ha desisyon han korte kun hin-o it makapot han LMWD.
“Nagpatawag kami hin pressconference kay nakontra kami absolutely hito nga ira ginbuhat. Siring pa man ada na ito ha korte, kayano diri nala nira hulton iton larang hiton korte.”
Waray daw panuyuan iton Board of Directors nga ig-privatize an LMWD kundi an tinatawag nga Public Private Partnership o kun PPP. Pakiana han Chairman of the Board, hin-o an may history han pag-privatize?
“Hin-o it may track record hin pag-privatize? Ngan ano iton mga opisina nga ira gin-privatize? An bus terminal hin-o an nag-privatize hito? Slaughter house? Garbage collection? Waray track record iton province nga pag-privatize.”
Gin-aayat naman ni Vice Chairman Surpia an mga gintudlok ni Mayor Romualdez kun hin-o ha ira nga grupo an tuod nga Board of Directors.
“Amu manla gihap ini hira an nagbibinalik-balik hano, pero as far as we are concern, kami as duly appointed by the Governor, the apponting authority is the Governor, hi Gov. Petilla. We have proper documents of appointment, we have confirmation coming from local utilities water administration. Ambot hira kun pwede niyo pakianahan kun mayada nira?.”
Mapaso man nga gindedebatihan kun hin-o iton makapot han LMWD, maghuhulat la gihapon hin desisyon tikang ha korte ngan LUWA kun hin-o it may gahom nga magpadalagan hini.
