Davao City – Midangop sa kapolisan sa San Pedro PNP ang usa ka boarder human gilungkab ang iyang girentahan nga kwarto nahitabo alas 3:00 sa kaadlawon didto sa Floravel Apartelle General Luna Malvar St. Brgy 7-A ning syudad sa Davao.
Base sa blotter gikan sa San Pedro PNP naila ang biktima nga usa ka Marvin Rafael, 36 anyos samtang wala pa mailhi ang suspek kinsay responsable sa pagpanglungkab.
Matud pa samtang natulog ang biktima apan sa dihang nakamata kini iya na lang nadiskobrehan nga abri na ang pultahan sa iyang lawak diin nadiskobrehan nga nahanaw ang iyang cellphone nga mukantidad og 15,000.00 pesos lakip ang cash nga mukantidad og 30,000.00 pesos diin gibutang kini sa biktima sulod sa iyang bag nga gipatung sa lamisa.
Way nahimo ang biktima ug igo na lang sa pagdangop sa San Pedro PNP aron usab niya paimbestigahan.
RadyoMaN Don Pulayao
