“Mass murder case”
Ginpasakaan sang kaso sa Ombudsman sanday anay Presidente Benigno “Noynoy” Aquino III kag anay Health Sec. Janette Garin bangud sang Dengvaxia issue.
Si anay TESDA head, Augusto “Buboy” Syuco ang nagpasaka sang kaso nga Mass murder bangud sa gina-alegar nga madamu na sang nagkalamatay sa bakuna nga gingamit sang nakaligad nga administrasyon.
Magluwas diri, gina-akusar man ni Syjuco sang Plunder sanday Aquino kag Garin bangud sa gingasto nga P3.5 Billion para lang sa nasambit nga Dengue vaccine.
Subong man, aminado si Syjuco nga wala siya sang may ginakaptan nga ebidensya kag lunsay news paper clips gid lang iya ginbasa nga iya nangin basehan sa pagpasaka sang kaso.
Nagalaum pa si Syjuco nga paga-imbestigaran sang Ombudsman, ilabi na suno sa iya nga daku ang nasambit nga isyu.
