Davao City-Insakto ang gihimo sa gobyerno nga giimbestigahan ang Bureau of Customs sa giingong nagpadayong korapsyon sa maong ahensya, luyo sa hugot nga kampanya ni Presidente Rodrigo Duterte. Sumala ni Ateneo De Davao University Law Professor Atty.Arnold Abejaron, kinahanglang imbestigahan tungod kay dunay nasakpang shabu nga nakasulod gikan sa China nga wala dayon mabantayi sa Bureau of Customs.
Matud ni Abejaron, klaro na kaayo nga dunay mga nagpaluyo nga taga-Customs kung nganong nakalusot ang mga kontrabando nganhi sa Pilipinas.
Samtang sa hisgutanang angayan na bang bungkagon ang maong buhatan, aron hingpit nang mawala ang korapsyon niini, matud ni Abejaron ang mga tawo seguro ang angayang panghulipan ug dili ang ahensya.
Sa pikas bahin, wala mihatag sa iyang mga komento si Davao City 2nd District Councilor Atty.Diosdado Angelo Mahipus Sr.,kabahin niining maong isyu tungod kay pulos pa lamang kini istorya ug wala pay napamatud-an nga nalambigit sa giingong korapsyon sa maong ahensya.
Kasamang Bernard Pantallon
