Atol sa One Davao on COVID-19 Virtual Presser, gibutyag ni Atty. Erastus Sandino Austria, District Collector sa BOC-Davao, sagad target ug nahimong biktima sa maong modus mao ang mga teenager
hangtud na sa hamtong diin adunay 72 ang edad.
Saysay ni Austria, gina-establisar una sa scammer ang ilang target nga tawo ug oras nga makuha sa scammer ang pagsalig sa biktima dinhi na padalhan og regalo ang nahisgutan nga kuhaon sa BOC apan sila kinahanglang adunay bayran sa pagproseso diin pinakadakong kantidad muabot sa P30,000 ngadto na P50,000.
“Ingon ana ang ilahang modus and then eventually it will culminate, didto na na naa kuno ipadala nga package unya naay kuno kinahanglan bayran sa Bureau of Customs,” sulti ni Austria.
Giklaro sa opisyal, wala ginatawagan ug wala ginapangayoan sa BOC ang ilang recipients og deposito rason nga angay mag-igmat ang publiko sa maong modus ug kini gilayong i-report sa awtoridad.
RadyoMaN Kirby Manzon
