Bogust schools, ghost training kag scholars hugot nga ginamonitor, apang TESDA 12 wala suno pa sang narekord.

Wala pa sang narekord nga bogust technical schools sa rehiyon dose, apang kon may-yara iya ginaapaandaman nga manabat suno kay TESDA 12 Regional Director Rafael Abrogar.
Magluwas sini hugot man nga ginamonitor sang ahensya ang ghost training, trainees, kag ghost scholars.
Ini matapos nga sa pagpungko ni TESDA Secretary Isidro Lapeña may gintukod na nga investigation committee.
May-angot sini, suno kay Director Abrogar magapangatubang sang nagakaigo nga pinalidad ang tawo nga yara sa likod sang pagmaniobra sang programa sang ahensya base sa kamanduan sang taglikom.
Ginpagayag man ni TESDA Regional Director Abrogar nga may-yara sang criteria nga ginapatuman ang ahensya sa paghatag sang alokasyon sa kada eskwelahan para sa ila nga scholarship program kag indi lang mabubo sa isa ka eskwelahan.
Lakip sa criteria suno pa amo ang absorptive capacity sang isa ka eskwelahan, employment rate sang mga graduates nila kag iban pa.