Bokal Junior Fariñas, Nagyaman kadagiti kakaduana iti Sangguniang Panlalawigan.

532

iFM Laoag – Nagyaman ni Bokal Rodolfo Christian “Junior” Fariñas III kadagiti kakaduana iti Sangguniang Panlalawigan iti panangtulongda kenkuana nu kas bilang ta adda kayatna a malawlawagan iti uneg ti konseho.

Maragsakan pay daytoy gapu ta napintas ti panakilangenlangenda kadagiti miembro iti honta probinsial ken patienna a nalpasen ti eleksion ket agsubli iti serbisio a para kadagiti kaprobinsianna.


Kalikagomna met ti tumulong iti gunglo dagiti agtutubo nangnangruna iti Sangguniang Kabataann (SK) iti pannakatagiben iti paglintegan a mangprotektar kadakuada ken maitag-ay ti ‘sports’ iti probinsia.

Innayunna nga itultuloyna dagiti narugyanan ti pamilyana a nagserbi met iti probinsia iti naglablabas a tawtawen. Silulukat met ti opisinana nu kas bilang ta adda dagiti kaprobinsiaan a dumawat ti tulong.

Malagip a timmaray ni Fariñas kas kapitan iti Barangay Buyon iti ili ti Bacarra idi kaudian a ‘Barangay Elections’ angem saan a nagballaigi daytoy. Nupay kasta, pagyamananna gapu ta mas dakdakkel ti responsibilidadna itan a kas bokal iti primero distrito iti probinsia.

Ni Bokal Fariñas ti inaudi kadagiti pito (7) a putot ni dati a congressman Rudy Fariñas.

Bernard Ver, RMN News

Facebook Comments

From Advertisers