Davao City-Supak si kanhi magtutudlo ug Gabriela party-list Rep. Luzviminda “Luz” Ilagan sa himoong random drug test sa junior ug senior high school karong Septembre.
Gisulti ni Ilagan, mas maayong himoon una nga boluntaryo ug molampus, ayha pa himoon nga random. Matud niya mas maayo gyud nga boluntaryo ug paabuton kung kanus-a gusto sa bata. Kinahanglang ipasabot usab ngadto sa mga estudyante ang tumong aron maagni sila sa pagpa-drug test. Nabalaka si Ilagan nga dunay matigayong binuang kung dili boluntaryo ang drug test nga himoon.
Samtang giklaro usab ni Ilagan, walay matigayong traumatic kung himoong boluntaryo ang drug test, ilabina kung dunay pagtugot gikan sa ginikanan. Gitataw usab ni Ilagan, ang pagsuporta sa kampanya batok gidiling droga sa administrasyon ni Presidente Rodrigo Duterte, usa ka boluntaryo ug dili pugsanay sama sa drug test.
Kasamang Bernard Pantallon
