Boluntaryo nga nag-surender niaging mga adlaw ang duha ka myembro sa New People’s Army (NPA) ngadto sa 27th Infantry Battalion dala ang ilang mga tag-as nga armas sa Tampakan, South Cotabato.

GENERAL SANTOS CITY- Sumapa sa impormasyon gikan sa 27th IB pinaagi ni Lt. Col. Jones Otida ang commanding officer nga ang duha ka NPA members mibalik sa sabakan sa gobyerno pinaagi sa pagpaningkamot sa mga opisyales sa barangay og kagamhanan.

Dugang ni Lt. Col. Otida nga napailawom sa “Yunit Militia” sa NPA Sub-Regional Committee Alip-Far South Mindanao Region nga nag-operate sa kabukirang bahin sa Tampakan ug sa silingang munisipyo ang duha.

Kini aron maundang ang kagubot nga hinimuan sa mga rebeldeng pundok ngadto sa kabukiran.
Matod sa 27th IB commander dala sa duha ang ilang mga armas sama sa carbine rifle ug springfield rifle.

Gani giprepara na ang mga dokumento sa duha ka suspected member sa New People’s Army (NPA) aron mahisakop sa programa sa gobyerno nga Enhanced Comprehensive Local Integration Program (E-CLIP).
For more info’s and updates, like and share our official facebook account : www.facebook.com/ifm91.9Gensanofficial/

[image: 2 ka npa.jpg]