General Santos City—Nabolabog ang mga residenti ug mga empleyado sa usa ka motorshop nga nahimutang sa J. Catolico, Barangay Lagao, Gensan human nga adunay usa ka bag nga giabanduna sa maong lugar alas 8:00 ang takna kagahapong adlawa.
Mga nakakita sa bag gilayong mireport sa Police Station 3 aron nga masuta unsay unod sa bag nga gibilin lang sa lugar.
Gilayon man nga girespondihan sa kapulisan ug sa EOD team sa Camp Fermin Lira ang lugar diin gihiling gilayon ang bag nga nakaplagan.
Didto nasuta nga pulos basura lang ang unod sa bag ug dili eksplosibo.
Luyo niini nagpasalamat ang kapulisan sa katawhan nga nahimong igmat sa palibot ingon man ang pagsumbong gilayon sa mga kadudahang butang nga ilang makit-an sa palibot.
Facebook Comments
