TACLOBAN CITY – Tigda nga may bumuto ha usa nga panimalay ha Brgy. Bobolosan, Laoang, Northern Samar kakulop kun diin duha an patay han nahinabo nga insidente.
Basi ha report han Police Regional Office 8, patay hira Ome Inocentes ngan Gaga Solana alyas, aada na ha sakto nga pangidaron nga pareho nga residente ha San Atonio han nasabi nga probinsya.
Ha nagawas nga imbistigasyon han mga kapulisan, ginrirentahan an mao nga panimalay ni Dario Bolande Ayes, 55 anyos, usa nga retired nga pulis ngan residente ha Purok 9 Poblacion Lope De Vega.
Padayon nga gin-iimbistigaran yana han mga otoridad kun bomba o badil an bumuto ha sakob hiton panimalay.
Narekober tikang ha insidente an usa kasako han detonating chord, mga improvised blasting cap ngan time fused.
Pag matapos na an imbistigasyon, masasabtan kun ano an mga bumuto.
