Nadakpan atol sa hiniusang operasyon sa Armed Forcers of the Philippines ug Philippine National Police ang bomber ug Improvised Explosive Device kon IED expert sa mga New Peoples Army kon NPA didto sa Purok 15, Kiburiao, sa lungsod sa Quezon, Bukidnon.
Sa interview sa RMN Malaybalay ngadto kang PSI Jessel Longakit, ang spokesperson sa Bukidnon Provincial Police Office, gibutyag niini nga ang nadakpan mao si Ruel Botilla Cololot alyas Haton nga nasutang bomber ug IED expert, uban sa nadakpan ang igsoon niini nga nailang si Ramil Cololot.
Nadakpan ang duha ka suspek atol sa nahitabong lima ka minutos nga engkwentro tali sa otoridad ug 5 kapin kon kulang ka mga NPA.
Apil sa mga nakumpiska gikan sa posisyon sa mga suspetsado ang 5 ka 10kg. PVC anti-vehicle, IED, 4 ka 11kg. steel anti-vehicle IED, 10 ka PVS anti-personnel IED, 5 ka 2.5 PVC, 3 ka ICOM radio, 200M detonation cord, 10m safety fuse 4 ka improvised tester, ug daghan pa.
