Malaybalay City, Bukidnon – Nakatakdang magpahigayon ug Business One Stop Shop kon BOSS ang Malaybalay City Licensing sa mga lagyong lugar sakop sa siyudad.
Sa interview sa RMN ngadto kang Arturo Callao, ang city licensing officer gibutyag niini nga ipahigayon ang BOSS karong Enero 30 hangtod Pebrero 2 ning tuiga sa Basakan District nga naglangkob sa mga Barangay Linabo, Managok, Violeta, Simaya, Sinanglanan, Apo Macote, San Martin, Sto. Niño, Miglamin ug Maligya diin himoon kini sa Barangay Violeta.
Gidugang pani Callao nga sa Pebrero 6 hangtod 9 himoon usab ang business one stop shop sa upper pulangui district nga naglangkob sa mga Barangay Sila-e, Mapulo, Caburanan, Zamboangita, Kulaman, Busdi, Indalasa, St. Peter diin pagahimoon kini sa Brgy. Zamboanguita.
Sigun ni Callao nga ang team sa boss muadto sa mao nga dapit diin kompleto na kini aron maoy mopirma sa mga rekisitos alang sa pagkuha ug business permit.
Alang sa mga bag-ong aplikante magdala lamang ug barangay clearance, occupancy permit, lease of contract kung nag-abang sa building, proof of registration sama sa DTI certificate for Trade Name, SEC registration kon kini corporation and partnership, ug CDA certificate kon cooperatiba.
Samtang alang sa mag-renew nga aplikante gikinahanglana lamang ang barangay clearance ug income tax return 2016 ug income and financial statement.
