Davao City – Patay ang usa ka 26-anyos nga lalaki human gipusil sa wala mailhing suspek samtang samaran ang laing vendor nahitabo pasado alas-2:00 sa kaadlawon sa may Highway Open Canal sa Brgy. 22-C syudad sa Davao.
Sa report gikan sa Sta. Ana PNP naila ang biktima nga si Mico Angelo Esclamado, residente sa Beach Club, Lanang ning siyudad samtang samaran ang usa ka Richie Santiañez, 23 anyos, nagpuyo sa Piapi Boulevard igo sa walang bahin sa bukton.
Sa imbestigasyon sa kapolisan sa Sta. Ana, giingon ni Richie Santiañez nga miagi ug milabay lang sila sa nahisgutang lugar diin ilang nakalis ang usa ka grupo ug didto nahitabo ang riot.
Daling gipangdala sa mga sakop sa Medic Team sa Central 911 ang mga biktima ngadto sa Southern Philippines Medical Center (SPMC) apan gideklara nga dead on arrival si Esclamado samtang si Santiañez padayon pang gitambalan.
Naglusad na ug follow-up investigation ang kapolisan sa Sta. Ana PS aron maila ang suspetsado ug madakpan ang mipusil sa duha ka mga biktima.
RadyoMaN Don Pulayao
