General Santos City–Gikumperma karon ni San Jose Barangay Kapitan Abdurahim Paidudama nga gisulod sa pipila ka mga armadong grupo ang usa ka Purok nga nahimutang sa boundary sa Barangay San Jose, General Santos City og T’boli, South Cotabato.
Matud pa ni Kapitan Paidumama nga subay sa mga sumbong sa pipila ka mga residente sa maong Purok nga usa matud pa ka kumander Ray Ray sa CPP NPA ang mihaylo sa pipila ka mga residente nga muoban sa ilahang kalihukan.
Tungod sa maong panghitabo plano karon sa Barangay Council sa Barangay San Jose nga adtoan ang usa nila ka hilit nga Purok sa Barangay San Jose aron personal nga mahimamat ang mga residente og mahatagan usab og atensiyon kuyog ang tropa sa PNP og Philippine Army.
Giawhag na lamang karon ni Kapitan Paidumama ang tanang mga residente sa Barangay San Jose nga dili basta basta magpahaylo sa mga tanyag sa rebeldeng grupo. (Emir Bariquit)
