General Santos City – plano sa syudad nga magtukod ug Boxing Training Center alang ngadto sa mga boksingero sa syudad.
Si Mayor Ronnel Rivera nag butyag atol sa pressconference nga gipahigayon dungan sa pag-abot sa siyudad ni Romero “Ruthless”Duno ang bag-ong WBC youth Inter Continental Lightweight champion ug pagbisita ni Ed Picson ang Executive Officer sa Amateur Boxing Alliances of the Philippines (ABAP) nga dakong bintaha kung adunay kaugalingong Boxing training center ang syudad gumikan mabansay pag-ayo ang mga boksidor nga ania sa Gensan.
Ang pagtukod ug Boxing Training center ang ayudahan sa ABAP subay sa kumpermasyon ni Gensan City Mayor Rivera. Tumong usab niini aron bansayon ang mga mapili nga Amateur boxer nga musulod sa Phillipine Team.
Nasayran nga sa karon walo na ka boksidor gikan sa Gensan ang anaa sa sa Phillippine Team ug gilauman nga mas mudaghan pa kini higayon nga hingpit nang matukod ang training center.
Positibo usab ang mayor nga daghan pang mga kabatan-unan ang maawhag sa pag-bansay tungod duna namay kaugalingng training center ang syudad nga dili na kinahanglan pang bayran sa mga mag-avail niini.
Nasayran nga nalakip sa budget sa siyudad ang mga programa ug proyekto kalabut sa pagpalambo sa sports sa dakbayan.
