Davao City – Mamahimong masirad-an ang usa ka Business Process Outsourcing (BPO) dinhi sa Davao City kung dili mutuman sa work options nga giimplimentar sa lokal nga panggamhanan base sa Memorandum 20-08 sa Department of Trade and Industry (DTI).
Nagpagula og Executive Order No. 20 on additional guidelines in the implementation of community quarantine si Davao City Mayor Sara Duterte, sugod March 26 adlaw’ng Huwebes alas 5:00 sa buntag hangtod 11:59 sa gabii sa April 19, 2020 adlaw’ng Domingo.
Tumong niinbi aron makapadayon sa ilang operasyon ang mga call centers, ang unang option base sa EO mag-provide kini’g skeletal workforce, striktong i-obserba, ang social distancing, mutanyag og temporaryong akomodasyon duol sa gitrabahuan ug shuttle service.
Ikaduhang option mao ang work from home arrangement. Niadtong Lunes, 26 ka BPOs sa Davao ang gisusi sa DTI ug City Government, Samtang sa nakalabay’ng semana gipatuman sa usa ka kumpanya sa BPO, ang work at home sa ilang mga empleyado.
Sumala kang Felix Noel Abracia, Senior Director of Contact Center Operations sa Awesome OS, niini business as usual gihapon sila samtang luwas ang ilahang mga trabahante.
RadyoMaN Aimee Guinita
