Brake wala mihawid, truck nabalintong!

18

Liloy, ZDN-Anaa pa karon sa balay tambalanan ang mga biktima human naaksidente ang ilang gisakyan nga truck, nahitabo kini niadtong adlawng lunes didto sa may National Highway, Brgy. San Miguel, lungsod sa Liloy, ZDN.

Ang biktima mao si Dante Apurado Jr, 20 anyos kinsa mao drayber sa Mitsubishi Fuso Canter Cargo Truck.


Kauba niini sila si Warry Castillo, 27 anyos ug si Niel Ruvieto, 31 pulos kini sila residente sa Brgy. Patawag, Labason, ZDN.

Sa imbistigasyon sa kapulisan sa maong lungsod nasayran nga kining truck naglawig kini gikan sa lungsod sa Labason padulong sa lungsod sa Liloy ug paghidangat niini sa lugar nahitaboan ang brake sa unahan wala kini mihawid hinungdan nga nag kiay-kiay ang sakyanan sa tunga sa dalan hangtod nga nawad-an ug control ang drayber ug miambak kini sa kilid sa dalan.

Ang drayber ug kauban niini nga duha ka indibidwal ang nakaangkon ug mga bun-og ug bali sa lawas hinungdan nga gidali kini pagdala sa ospital.

Facebook Comments

From Advertisers