BREAKING | COVID POSITIVE SA BANWA SANG JAMINDAN, GINBAWIAN NA SANG KABUHI!

30

Jamindan, Capiz – Ginkumpirmar ni Jamindan Mayor Mac Valdemar nga ginbawian na sang kabuhi ang 58-anyos nga lalaki nga COVID-19 positive nga taga- Barangay Esperanza, Jamindan.
Suno kay Mayor Valdemar, ang amu nga persona ang close contact sang confirmed COVID case halin sa Culasi, Roxas City.
Kabahin ini sa ‘Vulnerable Group’ tungod may ginabatyag sya nga Chronic Kidney Disease kag nagapaidalum sa Dialysis, duha tubtob tatlo ka beses kada semana.
Ang amo nga persona ang ginbawian sang kabuhi sang Agosto 27 samtang ginabulong sa Roxas Memorial Provincial Hospital(RMPH) kag ini ang gilayon nga gin-cremate.
Subong padayon ang koordinasyon sang Jamindan COVID Task Force kag Esperanza Brgy Health Emergency Response Team para sa mga nagakaigo nga mga tikang kapareho sang Contact Tracing, Disinfection, Swab sa Close Contacts kag iban pa.
Madumduman nga nagligad nga inadlaw, ginpaidalum na ang amo nga area sang barangay sa ECQ okun localized lockdown.

Facebook Comments